| Saso0o's profileSaso0o's SpacePhotosBlogLists |  Tools  Help |
|
January 05 I do believe in faires I do I do
It's funny that I always thought that I'm older & more mature to believe in fairies That I'm older and more mature to do ,I even make fun of people who say they do & call them naive kids & all of a sudden I find out that deep down inside me I have always believed in fairies I was just kidding myself with all "I'm rational big girl" crab it even drives me into tears the idea of that they don't exist so looks like I'm a naive kid after all but if i'm saving fairies' lives so this is the most honorable title on earth & maybe it's true and one day I'll find the prove
---------------------------------------------------------- for those who're totally lost here cuz they're not cartoon addicted like me fairy is a small creature that looks like a person but with wings like the one in the pic above & they only exist when you believe that they do so if someone doesn't believe in fairies a fairy dies somewhere :D the title was taken from "Peter Pan" & it's a famous phrase that Windy & Peter said to bring back TinkerBelle to life - thier fairy friend who was dying- It’s the same Hotmail®. If by “same” you mean up to 70% faster. Get your account now. November 23 enough pausingyou know when improtant and busy people always say that they wish to have precious moment to step back, watch and pause everything to look attentively & analyse everything around them. well i followed thier advise & tried to make best use of those precious moments until i became an over thinker who anlyses everything all the time even the sillyest stuff
So now i'm taking a decision enough pausing i need to play the movie -movie of my life of course- start practising making actions taking steps forward i'm fine with the size of my head now i don't want it any bigger
& if you're wondring why is this post in english that's because i'm practising my english as well  September 26 تتر فى ايد امينة و يا حلم بسيط و عادى مالك يا حلم بعيدمعقولة الناس تعايد و دول ملهمش عيد
اطفال معجزين واحنا ولا حاسين
اكيد قلوبنا حجر مش فلب بنى ادمين
مش قلب بنى ادمين
--------------------------------
انا المقطع ده بيتعبنى نفسيا كل ما بسمعه September 19 اجمل لحظاتى مع ليون كينجوالله هى افلام ديزنى كلها اجمل من بعض و كلها هادفة و بطلع منها بحاجات مبطلعش بيها باجمد الافلام السينمائية و كمان بيعتنو بالدبلجة فيها جامد اوى حتى الاغانى بتبقى على نفس النغمة و لو عايزة اديلهم حقهم اعملهم بلوج مخصوص بس اقرب فيلم لقلبى و اكتر فيلم مبشبعش منه و كنت و مازلت حافطة حواره ما بالكم بالاغانى خصوصا انى عيلة اوى -يعنى افتكر ايام بداية المراهقة كدة كانت طالعة موضة فى المدرسة كل بنت عاملة كشكول و تعد تكتب فيه اغانى عاطفية بئى و نكد و كدة وانا كنت بكتب
هاكونا ماتاتا حكمة نغمها لذيذ- هو فيلمLion King
 علاقة سيمبا بباباه.. الحقيقة موفاسا كان اب عظيم جدا و كل مشاهده مع سيمبا مميزة -حتى حتلاقونى رغيت فى الحتة دى كتير- برغم انه طالع فى جزء صغير اوى من الفيلم لكن تاثيره مستمر طول الفيلم ولازم تفتكر كل كلمة قالها و صوت محمد السبع مليان ابوة و شموخ الملك.. بجد جامد جدا
من اهم الحجات اللى ركز عليها الفيلم سواء فى كلام موفاسا لسيمبا و فى الاغنية اللى فى الاول هى دايرة الحياة و المخلوقات كلها و ازاى كلنا وجودنا مهم مهما كنا صغيرين او ضعفا زى كلمة موفاسا الخالدة
كل حاجة فى الكون منسجمة مع بعضها فى توازن دقيق و الحاكم ضرورى يفهم التوازن ده و يحترم كل المحلوقات من اول النملة لحد البقرة" مش احنا بناكل البقرة "ايوة بناكلها تعرف ليه لما بنموت جسمنا بيتحول لاعشاب و البقرة بتاكل الاعشاب دى و بكدة نبقى كلنا متصلين فى دايرة الحياة الكبيرة
كمان من الحجات المذهلة هو الروح اللى كانت فى سيمبا و زرعها فيها باباه و ازاى هو كان متحمس انه يبقى ملك و يكمل مشوار باباه و ازاى موفاسا علمه ان الحكم انه يؤدى واجباته مش يطيع رغباته و ده طبعا بيؤكده الاغنية اللى انا حافظاها صم مقدرش اصبر لما ابئى ملك
تانى اقوى مشهد بئى فى الفيلم لما سيمبا مسمعش كلام باباه و راح مقبرة الافيال هو و صاحبته نالا و كانت الضباع هتاكلهم هناك لولا باباه جه انقذه من غير ما اشغل الفيلم صوت موفاسا و هو بينادى سيمبا عشان يحاسبه على اللى حصل هيخرم و دنى دلوقتى و هو نزل فى الارض من الخوف مش خوف من ان باباه هيضربه مثلا ولا حاجة لا خوف من زعل باباه من ان باباه يخيب امله فيه و هو اكتر حاجة يتمناها ان باباه يبقى فخور بيه و دى اكتر حاجة ممكن تدبحه و سيما رايح ناحية باباه بعد ما نادى عليه رجله وقعت فى اثر رجلين باباه فشاف هو اد ايه صغير و باباه كبير و هو كان رايح بئى و عامل فيها سبع رجالة فى بعض لانه معجب بشجاعة باباه و نفسه يبقى زيه و دار اجمد حوار بين اب و ابنه ممكن يتقال
سيمبا انا خاب املى فيك كان ممكن تروح فيها انت تعمدت تعصى امرى و الادهى انك عرضت نالا للخطر
بصوت باكى رد سيمبا: انا كان قصدى ابئى شجاع زيك
انا ببئى شجاع لما تحكمنى الظروف ..سيمبا الشجاعة مش انك تدور ع المشاكل
بس انت مبتاخفش من حد
النهاردة خفت لما حسيت انى ممكن افقدك
اااه يظهر الملوك كمان بيخافوا..لكن ان جيت للحق الضباع كانو مرعوبين منك
هههههه لسة متخلقش اللى يتحدى ابوك
بصو انا شفت الفيلم ده ممكن اكتر من 20 مرة بدون مبالغة والله مينفعش اشوف الفيلم ده و معيطش فى مشهد موت موفاسا وانا مش من الشخصيات اللى بتسح على طول بس بجد المشهد يقطع القلب و مش ممكن تكره سكار اكتر من كدة خصوصا مع صوت عبد الرحمن ابو زهرة فعلا مشهد مؤثر بغباء خصوصا بعد كل المشاهد اللى قبله اللى بتحسسك بمدى عمق العلاقة بين سيمبا و ابوه و بعدين يجى سكار و يقول كمان لسيمبا ان هو السبب فى موت ابوه لان باباه مات و هو بينقذه من الورطة اللى سكار دبرها و سيمبا يا كبدى يصدق و يهرب من بلده
و بعدين سيمبا يقابل تيمون و بومبا ويغير كل اللى اتعلمه و يعيش فى الهاكونا ماتاتا واللتى تعنى اضربها طبنجة و انسى الماضى و عيش حياتك و على رأى تيمون اهلا بيك فى ارض الحرية لا قانون ولا مسؤلية متقدرش متعجبش بطريقة حياة تيمون و بومبا يعنى مكان جميل و تعمل اللى انت عايزه خاصة بعد الاغنية اللى فيها بيكبر سيمبا على حال التنفيض دى و زى ما فى الصورة كدة اد ايه الصورة مغرية و محررة كدة من اجمل المشاهد بئى لما كان سيمبا نايم على الارض و باصص للنجوم و فكرته بكلام باباه لما قاله بص للنجوم و تخيل ان كل ملوك الماضى العظام بيبصو عليك من النجوم دى و لما تتخنق اسالهم تعمل ايه هتلاقيهم فوق و انا كمان فلما قال لتيمون و بومبا ان حد مرة قاله كدة قعدو يقلولو قصدك ان شلة من الاموات الملكية بيراقبونا و قعدو يهزرو و يهيسو عليها و لقى نفسه مش قادر يهيس معاهم
و بعد كدة لقى نالا صديقة الطفولة و قالتله انه لازم يرجع لان حالة البلد بقى صعبة و سكار حاكمها بقت خرابة و ان هو الملك فهو قالها انه ميقدرش يرجع و انه مبسوط هنا و مش عايز مسؤلية وانه اتعلم ان لما تقابله مواقف وحشة و ميقدرش يتصرف فيها يشيل همها ليه؟ فهيا زعلت منه و قالتله انها مش سيمبا اللى هيا عارفاه وانه مبقاش زى باباه
مشهدى المفضل بئى بعد ما سيمبا اتخانق مع نالا قعدت يكلم نفسه كانة بيقنع نفسه بالتمسك بحياة التنفيض و قعد يقول رجوعى مش هيرجع اى حاجة زى ما كانت انا مقدرش اغير الماضى وانه عارف ان موت باباه كان غلطته بس هيعمل ايه و بعدين يظهر القرد رفيقى المسخرة ده و يعد يسخف عليه شوية و بعدين يقوله ان ابوه لسة عايش وهو ممكن يوديه ليه لغاية ما يوديه عند نبع ميا و يشوف صورته فيقوله ده مش بابا ده خيالى فقاله لا بص كويس ابوك عايش جواك و بعدين بيتخيل سيمبا باباه و بيقوله
سيمبا انت نسيتنى
ابدا مقدرش
انت نسيت انت مين و بالشكل ده نسيتنى نسيت اللى علمتهولك لازم تسترد مكانتك فى دايرة الحياة
ازاى استردها
تذكر انت مين انت ابنى انت الملك الحقيقى
و بيختفى موفاسا من قدام سيمبا و بعدين رفيقى جه وقاله انت الجو غير عادى
ايوة يظهر الريح اتغير اتجاهه
اممم التغيير كويس
اه بس مش سهل انا عارف هعمل ايه بس رجوعى معناه انى اواجه الماضى اللى هربت منه من سنين
راح رفيقى باطح سيمبا على دماغة بالعصاية
اي ليه انت عملت كدة ليه
ميهمكشى ده فى الماضى
ايوة بس لسة بتوجع
اه الماضى ممكن يوجع لكن من وجهة نظرى يا تهرب منه يا تتعلم منه
و راح جاى يبطحه تانى فسيمبا فادى البطحة فبصله كدة معناها شوفت
ِAND
عاد ملك الغابة September 14 Differance between winners & losersده ايميل جالى بيعبر عن كل اللى بؤمن بيه فى الموضوع ده و لكل الاسباب الجاية دى انا اخترت اكون
WINNER
-----------------------------------------------
The Winner is always part of the answer; The Loser is always part of the problem. The Winner always has a program; The Loser always has an excuse. The Winner says,"Let me do it for you;" The Loser says;" That is not my job." The Winner sees an answer for every problem; The Loser sees a problem for every answer. The Winner says," It may be difficult but it is possible"; The Loser says,"It may be possible but it is too difficult." When a Winner makes a mistake, he says," I was wrong"; When a Loser makes a mistake, he says," It wasn't my fault." A Winner makes commitments; A Loser makes promises. Winners have dreams; Losers have schemes. Winners say," I must do something"; Losers say, "Something must be done." Winners are a part of the team; Losers are apart from the team. Winners see the gain; Losers see the pain. Winners see possibilities; Losers see problems. Winners believe in win/win; Losers believe for them to win someone has to lose. Winners see the potential; Losers see the past. Winners are like a thermostat; Losers are like thermometers. Winners choose what they say; Losers say what they choose. Winners use hard arguments but soft words; Losers use soft arguments but hard words. Winners stand firm on values but compromise on petty things; Losers stand firm on petty things but compromise on values. Winners follow the philosophy of empathy: "Don't do to others what you would not want them to do to you"; Losers follow the philosophy, "Do it to others before they do it to you." Winners make it happen; Losers let it happen. Angham... You Rock هتمناله الخير
ايه يعنى يفوتنى و ينسانى مهو ياما اتحمل علشانى مهو ياما كان قلبه عليا هتمناله الخير مهو قبل ما يجرحنى دوانى كان عمرى و كان هو زمانى كان قلبى وروحى و عنيا هفتكرله حجات كتير كانت ما بينا هفتكر ايام هوانا والخطاوى اللى فى طريقنا هفتكرله حجات كتير كانت ما بينا هفتكر الحظة لقانا وانسى لحظة ما افترقنا لما كنا بنقسم الفرحة فى عيونا هفتكرله حجات كتير واتمناله الخير هتمناله الخير علشان يستاهل
ده انا هتمنى تلف الدنيا تانى تانى ونتقابل
هفتكرله حجات كتير كانت ما بينا...
-----------------------------
بجد يعنى انغام دى معدية August 24 مقولة مصطفى كامل بطريقة سارة مصطفىلو لم تكن مصريا لوددت ان تكون ايه؟
والله الموضوع ده كان ليه مرحلتين فى حياتى وانا اصغر شوية كنت بقول لا مفيش مشكلة و الا ليها حل و مفيش حاجة الا ممكن تتصلح و مصر هى امى و مش معقول ابئى فخورة بمصريتى لما الاحوال تبقى كويسة و اتبرى منها لما تبقى الاحوال طين و مؤمنة ان الشخص الواحد ممكن يعمل تاثير كبير فى العالم اللى حوليه فبلدى اولى بئى بس دلوقتى مش بطلت اؤمن بكل اللى فات بس اتخنقت من الناس اللى بئو عبارة عن شوية متعصبين متعصبين فى الدين و فى السياسة و فى الكورة فى كل حاجة فى حياتهم و محدش عنده استعداد يبص من وجهة نظر تانية يمكن يطلع غلطان حسيت بجد انى عايشة فى جو زبالة ناس مليانة طاقة تدميرية حتى مش انانين الانانية انك تحب نفسك و تعمل لمصلحتك دول حتى بيكرهو نفسهم حتى لما يضحو بئى و يعملو قديسين بيبقو شمعة تحترق و تحرق الاخرين كل ده مخلينى مش بس مش عايزة بس ابئى مصرية افضل ابئى مش من سكان كوكب الارض اصلا
و احب اسمع اغنية مدحت صالح العتيقة دى رافضك يا زمانى يا مكانى يا أوانى انا عايز اعيش فى كوكب تانى والله بئى زحل اورانوس انشلة بلوتو اللى خرجوه من رتبة الكواكب و بئى تبع الكويكبات
August 04 م الاخر بئىدى لقيتها ع النت كتبها الشاعر الشهير نزار قبانى و حسيتها بتعبر عن كل اللى جوايا و رأيى بصراحة فى المجتمع اللى احنا عايشين فيه ده
بتبسط لما حد يوفر عليا الكلام الكتير و الشامل اللى يعبر عن اللى بحسه
--------------------------------------------------------------------------
في بلاد يغتال فيها المفكرون، ويكفر الكاتب وتحرق الكتب، في مجتمعات ترفض الآخر، وتفرض الصمت على الافواه والحجر على الافكار،
وتكفر اي سؤال، كان لابد ان استأذنكم ان تسمحوا لي.. فهل تسمحون لي
ان اربي اطفالي كما اريد، وألا تملوا علي اهواءكم واوامركم؟ هل تسمحون لي ان اعلم اطفالي ان الدين لله اولا، وليس للمشايخ والفقهاء والناس؟ هل تسمحون لي ان اعلم صغيرتي ان الدين هو اخلاق وأدب وتهذيب وامانة وصدق، قبل ان اعلمها بأي قدم تدخل الحمام وبأي يد تأكل؟ هل تسمحون لي ان اعلم ابنتي ان الله محبة، وانها تستطيع ان تحاوره وتسأله ما تشاء، بعيدا عن تعاليم أي أحد؟ هل تسمحون لي الا اذكر عذاب القبر لاولادي، الذين لم يعرفوا ما هو الموت بعد؟ هل تسمحون لي ان اعلم ابنتي اصول الدين وادبه واخلاقه، قبل ان افرض عليها الحجاب؟ هل تسمحون لي ان اقول لابني الشاب ان ايذاء الناس وتحقيرهم لجنسيتهم ولونهم ودينهم، هو ذنب كبير عند الله؟ هل تسمحون لي ان اقول لابنتي ان مراجعة دروسها والاهتمام بتعليمها انفع واهم عند الله من حفظ آيات القرآن عن ظهر قلب دون تدبر معانيها؟
هل تسمحون لي ان اعلم ابني ان الاقتداء بالرسول الكريم يبدأ بنزاهته وامانته وصدقه، قبل لحيته وقصر ثوبه؟ هل تسمحون لي ان اقول لابنتي ان صديقتها المسيحية ليست كافرة، والا تبكي خوفا عليها من دخول النار؟ هل تسمحون لي ان اجاهر، ان الله لم يوكل احدا في الارض بعد الرسول لان يتحدث باسمه ولم يخول احدا بمنح 'صكوك الغفران' للناس؟
هل تسمحون لي ان اقول، ان الله حرم قتل النفس البشرية، وان من قتل نفسا بغير حق كأنما قتل الناس جميعا، وانه لا يحق لمسلم ان يروع مسلما؟ هل تسمحون لي ان اعلم اولادي ان الله اكبر واعدل وارحم من كل فقهاء الارض مجتمعين؟ وان مقاييسه تختلف عن مقاييس المتاجرين بالدين، وان حساباته أحن وارحم؟ هل تسمحون لي
نزار قباني July 06 نتيجة اختبار نفسى من اللى بيبقو مرمين ع النت و بحب اعملهمأنت متفائل حقا, تواجه مشاكل الحياة بهدوء واتزان.. أنت ضمن الذين يصحون صباحا بمزاج رائق, متحمسين لمواجهة اليوم الجديد
رغم بساطة السؤال وانه تقريبا مش سؤال اصلا لان محدش مستنى اجابة منى بس فعلا اصابنى بشئ من الصدمة مش صدمة فظيعة يعنى بس عارفين احساس ان مفكرتش فى الموضوع قبل كدة و مع ذلك مش قادرة اقول طبعا متفائلة ده انا بضحك 44 ساعة فى ال24 ساعة مش عارفة فعلا اجاوب ع السؤال
عموما لو عرفت الاجابة هبقى اقولكو
بعد يومين بيتهيألى انى لقيت الاجابة تبدو اقرب للواقع كما انها تمدنى بشعور جيد و المهم عندى ديما هو الشعور الجيد ده
ايوة انا متفائلة بحاول ديما احس باحساس احسن يعنى فى اى نهاية بمر بيها نهاية فترة المدرسة نهاية مرحلة عمرية نهاية علاقة معينة نهاية اى حاجة بعملها بركز اكتر على ان النهاية دى معناها بداية جديدة بداية اقدر اخلى فيها الدنيا احلى مهما كانت قسوة النهاية اهى بتعلمنى و تخلينى اخد بالى بعد كدة مهما كانت النهاية دى امتى حتى لو عمرى 90 سنة هفضل قدامى بدايات و فرص لغاية ما اموت و بعد ما اموت كمان فى بداية جديدة معرفش عنها كتير
بس اكيد انا مش متفائلة كدة على طول مش 100% يعنى احيانا فعلا بتظاهر بالتفاؤل بس ده بالنسبالى احسن ما اتشائم او اكتئب و بعدين حسب نظرية
As If
اللى فرويد سرقها منى لما اتظاهر بالتفاؤل حتفائل فعلا و هو المطلوب
انا مش واحدة هبلة و متفائلة و شايفة الدنيا وردى على طول لا بكتئب و بخاف من الفشل و مبحاولش احيانا بس بحاول ابئى احسن و اشوف ايه احسن تصرف يتعمل فى الموقف و انا فخورة بنفسى على ده
June 29 رأيت القمر شاحبا
رأيتُ القمرَ شاحباً رأيتُ وجهكِ المضئُ شاحباً يعلوهُ خوفٌ بلا املِ انتِ الاملِ اقولها بلا خجلِ ابتسمى يا فؤادى املائى قلبى املِ اتاك القدر سهماً صائباً قد يفقدُنا الأملِ ----------------------------------- ألفها ملهمنا ومعقدنا مهند للواطية الزبالة الحيوانة الحقيرة نور و تهديها حبيبتى وصاحبتى الانتيخ نسمة لمن تستحقها اللى هى انا البرنسيس ساسو طبعا June 19 The break-up was nice & easy رغم مرور سنوات المراهقة اللى جربو فيها الصديقتين تجربة البيات مع بعض ليلة بس برضه عملو نفس الحركة رغم انهم كانو هالكانين و نايمين على نفسهم قعدو يرغو فى السرير لساعات الصباح الاولى تجاذبو اطراف كل الاحاديث من الماضى السحيق للمستقبل البعيد من اخبار اقرب الناس اليهن للناس اللى يعرفوهم شكلا بس ثم سالت احداهما الاخرى:
تعرفى انك حكتيلى كل حاجة عنه لكن محكتليش حاجة عنكو خالص-
ازاى يعنى مش فاهمة -
يعنى حكتيلى عن شخصيته كويس كانى كنت اعرفه و قولتيلى حبينا بعض فركشنا مع بعض لكن عمرك ما قولتيلى كانت علاقتكو عاملة ازاى كنتو بتحبو بعضو ازاى.. كدة يعنى -
اااااه فهمت قصدك... ده فعلا حقيقى..وانتى دلوقتى عايزة تعرفى؟ -
لو مفيش عندك مانع-
لا مفيش مانع ولا حاجة امممم -
the break-up was nice & easy
هههههههههههه (بضحك مصاحب بسخرية) لا واضح انكو كنتو بتحبو بعض اوى -
جدا(بجدية) يا بنتى اصلا انا بيتهيالى مكنتش بحكيلك لانك مكنيش هتصدقى هتفتكرينى بحكيلك فيلم رومانسى-
امال ايه الفركشة كانت حلوة و سهلة دى؟ -
هحكيلك.. ساعتها كنت من فبليها بكام يوم واخدة القرار و كل حاجة بتأكدلى انه القرار الصح بس مكنتش قادرة اقوله كنت بأجل بأجل و فجاة واحنا قاعدين مع بعض عادى لقيته بيسألنى انتى فى حاجة قررتيها بخصوصنا فذهلت انو قالى كدة فسالته بيقول كدة ليه فقالى انى بقالى كام يوم متغيرة معاه .. مش كنت متغيرة قاصدة بحلقله يعنى زى اى حد ميعوز يخلع من حد لا ده انا كنت ببذل كل جهدى عشان مياخدش باله و لما لقيته قال كدة قلت خلاص الفرصة جاتلى وانا لازم اقوله فلما قولتله كدة هو فهم و قالى بلاش تقوليها كلامك هيجرح نفذى قرارك من غير متقوليلى وانا اصلا فكرت فى كدة قبل كدة بس قلت لا هو يستحق انه يعرف بس لما لقيته قال كدة قلت ماشى خلاص تخيلى كمية كلام كنت محضرة اقوله عشان يفهمنى محتجتش اقوله اصلا هو فهم و فى عز ما كان مجروح كان بيحاول يواسينى و بيقولى ولا يهمك و كل حاجة هتبقى كويسة و ان دى مش اخر المطاف دى بداية تصورى.. بيحاول يداوى جرحى فى عز ما هو مجروح .. حاولت اواسيه برضه قلتله اننا ممكن ندى حبنا فرصة تانية لما ظروفنا تتحسن احنا نقدر نعمل كدة نعتبر دى فترة تحضير و شغل عشان نخلى حبنا ممكن كنت بقصد كلامى ده كان جزء من خطابى اللى متقالش فقالى بجد وكان مبستم قولتله بجد و قلت فى نفسى كويس انى قولتله دى انا افتكرته فهمها من ضمن اللى فهمه .. قالى اتفقنا وابتسملى واتصافحنا زى ما نكون عملنا صفقة وقلنا لبعض باى باى كاننا اتنين صحاب هيشوفو بعض بكرة و بس-
دى اغرب فركشة سمعتها فى حياتى بس غريبة بطريقة حلوة يعنى حبيت اوى عنيكى وهيا بتلمع و ابتسامتك وانتى بتحكى عنه و التفاهم الرهيب اللى بينكو بس برضه فى حاجة عجيبة اصلا انتى مش صاحبتى بس عندك نص ضارب-
انا عندى نص ضارب يا واطية -
و تعالت الضحكات و استمرت الكلمات استمرت كثيرا ربما لصباح جديد ربما لعام جديد ربما لسنوات و سنوات
June 08 10-5-2008 the pangea dayشدنى اعلانه على otv اللى بشوف عليها حجات كتير بتعجبنى و بقول ديما انا عايزة ابئى اركز مع القناة دى لكن برضه شفته بالصدفة وانا بقلب كدة و اعجبت بالشو جدا لانه متفق جدا مع اعتقداتى الشخصية اولها هى الايمان بالسلام و ان عمر ما القوة و الحديد والنار ما هيحلو مشكلة الحرب يعنى دمار لكلا الجانبين المهزوم و المنتصر انسانيتنا لازم تمنعنا من اننا نريق دم ناس ملهمش اى ذنب ولا اى علاقة ولا اختارو انهم يضحو بحياتهم حتى فى سبيل اننا ناخد حقوقنا و الا يبقى ايه فرقنا عن الحيوانات ,الحيوانات عشان معندهاش القدرة على الفهم معذورة انها تحل مشاكلها كدة لكن احنا ايه عذرنا ليه نختار العنف و احنا عندنا العقل اما الاعتقاد التانى هو قوة الافلام ديما بتبهرنى ازاى الافلام و الاعمال الدرامية ليها قدرة كبيرة انها تخليك تشوف من وجهة نظر اخرى يعنى تبقى فقير و مطحون و شايف ان الاغنيا كلهم ولاد كلب و لما تتفرج على مسلسل فيه واحد غنى بيتعرض لمشاكل بتتعاطف معاه ولاننا عايشين فى عالم مقسم لحدود و ثقافات و لغات مختلفة و صرعات كمان بيبقى من السهل اننا نفقد رؤيتنا للى بنشترك فيه مع الناس التانية ان كلنا فى النهاية بشر و لينا نفس الاحلام و نفس الاحتياجات و يوم بنجيا عايز يتغلب على ده يحاول يخلى الناس تشوف نفسها فى الناس التانية من خلال الافلام
الحدث كان يوم 10 مايو 2008 الساعة 6 بتوقيت جرينتش يعنى 8 بتوقيت مصر المدن اللى شاركت فى الحدث و اتعرض على شاشتها هى القاهرة , كيجالى , لندن ,لوس انجلوس, مومباى و ريو دى جانيرو
من اجمل الافلام اللى عرضت هى الافلام اللى فيها مواطنين فلسطنين و اسرائلين مع بعض بيحاربو سلميا من اجل السلام الاتنين داقو مر الحروب فقدو ناس عزيزة عليهم الاتنين حسو بانسانيتهم و تغلبو على انانيتهم لان من السهل ان الواحد يغضب و يحط غضبو فى المكان الغلط ضد الناس اللى ملهاش دعوة بالموضوع –زى كدة ما بابا بيصوت فى ماما لما بتخلص مصروف البيت J و هو عارف ان المشكلة فى الغلا مش فينا- المذهل فى النفس البشرية هو ازاى نقدر نغير مشاعرنا و نوجه غضبنا بطريقة ايجابية بدل روح الانتقام ندور على السلام اللى ينفعنا و ينفع الناس حولينا بدل ما نحرق نفسنا و نحرق الكل معانا
وفى فيديو لروبين ويليامز ممثل و كومديان رهيب دايما بيعمل افلام ليها معنى و دايما افلامه بتاثر فيا من اكتر الناس اللى غيرو حياتى السايت هو www.pangeaday.com و فى كمان صفحة يو تيوب ممكن تشوفه فيه كل الافلام اللى اتعملت و فى جروب ع الفيسبوك
May 26 The Power is yours عارفين اعلان بايجون لما بيجى الراجل اللى بيغنى فى الاخر كدة و يقولthe power is yoursطبعا قصده قوة منع الحشرات من انها تتمشى معانا فى البيت بس انا اكيد مقصدش القوة دى انا بس الجملة عجبانى لانى بؤمن بان الانسان ليه مطلق السيطرة على مسار حياته و مصيره فى الاخرفمن الغباء اننا نخاف من بكره لان بكره مترتب على جودة اعدادنا النهاردة يعنى لو انا مذاكرتش النهاردة و عندى امتحان بكرة يبقى طبيعى انى اسقط و حتى لو جه الامتحان وحش مش حيجى من برة المنهج اه يمكن مقفلش الامتحان بس مش هسقط خالص و لو سقطت رغم انى ذاكرت يبقى لانى اتوترت او منظمتش وقتى صح فى الامتحان يعنى كله منى يعنى كله قابل للسيطرةاذا مفيش حاجة بتحصلنا الا لاننا سيبناها تحصلنا مش بالضرورة لاننا عايزينا تحصل ممكن تكون اخر حاجة عايزينها تحصل بس لاننا خايفين مثلا او اجماليا عملنا اللى يطلعلنا النتيجة اللى احنا مش عايزينها بمعنى فى نفس مثال الامتحان مفيش حد اكيد بيعوز انه يسقط يعنى انا عايزة انجح و مش عايزة اسقط المفروض انى بئى اعمل اللى يخلينى انجح لكن فى ناس كتير بتعمل اللى يخليهم يسقطو و بعد كدة يكتئبو انهم سقطوطبعا انا مبنكرش دور العوامل الخارجية والقضاء و القدر بس بقول رغم ضخامة ما تبدوه العوامل دى فبايدنا نخليها مجرد عقبة مش هنفتكرها اصلا او حدث قلب حياتنا فوقانى تحتانى يعنى مثلا لو جيت دلوقتى فقدت وظيفتى و مفيش حاجة اكل منها ممكن احاول ادور على اى حل و اشتغل اى حاجة مهما كانت واحاول اطور نفسى -و ده مش كلام شعارات والت ديزنى اشهر رسام فى العالم فلس 5 مرات و رجع تانى و دلوقتى بئى عامل امبراطورية انا شخصيا من اشد معجبين افلامه- او اثور ع الدنيا بئى و اشرب مخدرات و اضيع ولا اسرق ولا اعمل اى حاجةو برضه فى الحجات الايجابيه زى مثلا انك بالصدفة تقابل حد ممكن يبقى اعز صحابك او شريك حياتك ممكن انت تستغل الفرصة وتقرب منهم او تبعدهم عنك و متحاولش حتى تتعرف عليهم و تضيع الفرصةيعنى م الاخر احنا اللى بايدنا نخلى اى مصيبة تحصلنا او فترة صعبة نمر بيها مجرد حاجة عدت تغلبنا عليها و نحس بالفخر لما نفتكرها يعنى نحول الشعور السلبى اللى طالع منها لايجابى و يبقى زى ما بيقولوAll is well thar ends wellاو نخلق منها ازمة حياتنا اللى هتدمرنا و تدمر كل اللى حولينا لمجرد اننا مش مؤمنين ان بادينا حاجة نعملها او نتحكم فى مصيرنا و حوار بئى المكتوب ع الجبين لازم تشوفه العين ده اللى حابسناتفتكرو مش منتهى الغباء ان يبقى عندى قوة و سيطرة ومستغلهاش لانى مش متاكدة منها و حتى محملتش نفسى عناء انى اجربها رغم انى مش هخسر حاجة لو جربت وممكن اكسب كتيرديما بقول لو كل واحد فكر بذكاء فى كل حاجة الناس الدنيا هتبقى جنةو فى النهاية احب اشكر بايجون اللى غالبا هكتب اسمه بدل الاستاذ بايمول اللى قال ايه بيقيسلى احتياجات الشركة من النقدية ما تاخد زى ما تاخد من حكم فى ماله ما ظلم راجل فاضى بايجون برقبته |
Saso0o's SpaceThe name is Sara & i'm Sara ,And Sara dude means Princess |
||||||||
يا عينى عليك يا سيمبا
|
|
